Стефановиќ: По Харадинај постои активна потерница од српски суд
Доколку Рамуш Харадинај биде достапен за српските органи за прогон, тој ќе биде уапсен бидејќи за него постои активна потерница од српски суд, изјави српскиот министер за внатрешни работи Небојша Стефановиќ.
Тој додаде дека Србија ќе бара од Интерпол да ја ревидира својата одлука и изрази уверување дека државата повторно ќе има активна потерница што ќе биде видлива во секоја држава во светот.
– Доколку Рамуш Харадинај биде каде било достапен за нашите органи за прогон, ние ќе го уапсиме бидејќи за него постои активна потерница од српски суд, изјави Стефановиќ.
Тој нагласи дека в понеделник ќе разговара со министерката за правда да се обнови жалбата и да ги потсетат во Интерпол „поради што е распишана потерница за Харадинај“.
Комисија за контрола на меѓународни потреници во Лион усвои жалба на УНМИК и на 1 декември одлучиле Интерпол да не ја третира таа потерница односно дека ќе ја избрише од системот.
Премиерот на Косово Рамуш Харадинај изјави синоќа дека службено не е информиран за укинување на потерницата од Интерпол против него и уште 17 луѓе од Косово.
– Слушнав од медиуми. Воопшто не се занимавам со тоа прашање, изјави тој за косовски медиуми.
Ново на Сител
-
Кина го обвинува американскиот министер за одбрана за „провокативни“ изјави во Сингапур
-
Железничката станица во Нови Сад ќе биде урната, реконструирана или делумно користена
-
Малолетник тешко повреден во сообраќајна несреќа во Кавадарци
-
УХМР: Следува период на сончево и топло време, дневната температура во сабота до 37 степени
-
Двајца мртви во Франција за време на прославата на победата на ПСЖ во Лигата на шампиони
-
Фицо: Без право на вето на секоја членка нема да има Европска Унија
-
ЈП Водовод и канализација: Постигнато е нивото на редовно водоснабдување, но поради преголема потрошувачка во Чаир мрежата се празни пребрзо
-
Виткоф му одговара на Хамас дека нивните барања се „целосно неприфатливи“