Стефан Василевски и Давор Поповски, кандидати за претседател на СПУКМ

Од денеска почнува изборната кампања за претседател на Студентскиот парламент на Универзитетот „Св. Кирил и Методиј“ - Скопје (СПУКМ). Кандидати за претседател се Стефан Василевски, студент на Медицинскиот факултет и Давор Поповски, студент на Факултетот за информатички науки и компјутерско инжинерство - ФИНКИ. 

Согласно спроведениот јавен повик, како што информира СПУКМ, Василевски е поддржан од шест матични студентски парламенти на УКИМ. Поповски е поддржан од седум матични студентски парламенти на УКИМ.

Кампањата ќе трае до 28 овој месец, а на 29 јуни ќе биде Изборниот молк. Изборите за нов претседател на Студентскиот парламент на Универзитетот „Св. Кирил и Методиј“ - Скопје ќе се оддржат на 30 јуни, а гласањето ќе трае непречено од 9 до 16 часот на 23 факултети на УКИМ.