Стартуваа натпреварите кај кошаркарките

Со вчерашните три натпревари стартуваше Sparkase Life Прва лига жени. Во неизвесна завршница во Кавадарци, Бадел успеа да стигне до првата победа совладувајќи ја екипата домаќин Пробаскет со 87:83.

Убедлива победа оствари кандидатот за врвот на табелата Крива Паланка. Домашната екипа го совлда тимот на Патриот со 103:44. Кошаркарките на Вардар во дуелот со Спорт тим извојуваа победа од 94-50.

Последниот дуел од стартното коло се игра во среда (СРЦ Кале) меѓу МЗТ Бела Вода и првакот Баскет Кам. Натпреварите поради локалните избори беа одложени и не се играа во деновите од викендот.

МИА