Тенис
21. November 2016 - 12:58

Стартна победа на Ѓорческа на фјучрсот во Валенсија

Најдобрата македонска тенисерка Лина Ѓорческа (трета носителка) успеа да ја мине првата пречка на фјучрсот во Валенсија (награден фонд 25.000 долари). Таа во првото коло ја победи Башак Ерајдин од Турција со 2-0 во сетови за 88 минути игра. Ѓорческа двата сета ги доби со 6:2 и 7:5 во гемови. Во следното коло таа ќе игра против победничката од мечот што се игра попладнево меѓу Јасмине Паолини (Италија) и Паула Ариа Манјон (Шпанија).

Во конкуренција на двојки Ѓорческа заедно со Галина Воскобоева од Казахстан како први носителки ќе играат против Олга Саез Лара (Шпанија) и Мелани Стоке (Норвешка).