Старец од Тетово силувал 16 годишно девојче во тетовско

Четириесет и четиригодишен жител на тетовското село Џепчиште вчера во 16 часот во Полициската станица Тетово пријавил дека негов шеесетгодишен соселанец во два наврата ја силувал неговата 16-годишна ќерка.

 

Според пријавата на таткото на девојчето, шеесетгодишникот во август и октомври 2016 година, во два наврата, со својот автомобил го пресретнувал девојчето и со употреба на сила ја внесувал во автомобилот, по што ја носел на различни локации каде што ја присилувал на сексуален однос.

 

Пријавениот сам се пријавил во СВР Тетово и комплетно го негирал кривичното дело.

 

СВР Тетово презема мерки за целосно расчистување на случајот.