ССМ треба да избере нов претседател
Сојузот на синдикати на Македонија денеска ќе го продолжи Вонредниот конгрес којшто беше прекинат на 11 ноември, а на кој требаше да биде избран нов претседател на ССМ.
Продолжението на конгресот е закажано за 12 часот, а ќе се одржи во Скопје во објектот на ССМ. Пред одржувањето на Конгресот најавено е обраќање на претседавачот на Работното претседателство на Вонредниот конгрес, Роберт Симоноски.
Вонредниот конгрес на ССМ се одржа во Охрид и тогаш се очекуваше да биде избран нов претседател на ССМ, но воопшто не се пристапи кон гласање поради реакциите на дел од делегатите кои го сметаа недемократски изборот на претседател и поради барањето на в.д. претседателот на ССМ, кој беше и единствен предложен кандидат, да им се овозможи и на останатите кандидати да учествуваат во трката за лидер на ССМ. Беше договорено во рок од 30 дена, Верификациона комисија на Синдикатот да ги утврди можните кандидати кои ќе бидат предложени за лидерската позиција во организацијата.
Единствен кандидат за претседател беше предложен в.д. претседателот на ССМ Дарко Димовски, кој според Претседателството и Советот ги исполнил условите. За претседалското место во ССМ конкурираа и Пеце Грујовски од УПОЗ и Ацо Антовски од Полицискиот синдикат, но нивните кандидатури не беа прифатени со образложение дека не ги исполнуваат условите.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје