ССМ: Каде се парите од членарина на УПОЗ, СИЕР, Агро Синдикатот и СУТКОЗ
Сојузот на синдикатите на Македонија (ССМ) преку пишано соопштение до медиумите прашува каде отишле над 15 милиони денари од членарина за последните две години од УПОЗ, СИЕР, Агро Синдикатот и СУТКОЗ.
- ССМ и членството од овие синдикати бара одговор каде се овие средства и за што ги потрошиле претседателите на овие грански синдикати ако се има предвид дека располагаат со целокупна членарина, со целокупните финансиски средства на работниците кои им ја одземаат од сметките на синдикалните организации, се вели во соопштението од ССМ и се прашува дали овие средства се потрошени за потребите на членството или за нешто друго.
Се поставува и прашањето кој ги овластил овие лица да затајуваат членарина, зошто не уплаќале средства во ССМ, а ги добивале од синдикалните организации, зошто овој факт го криеле од членството и каде ги потрошиле овие средства.
ССМ вчера објави дека претседателот на УПОЗ Пецо Грујовски само за 2015 и 2016 година затаил членарина во висина од 4,36 милиони денари, претседателот на Агро Синдикатот синдикат Живко Даневски за истиот период затаил членарина во висина од 2,58 милиони денари, претседателот на СИЕР Пеце Ристески 4,68 милиони денари и претседателот на СУТКОЗ Дарко Димовски за истиот период затаил членарина од 3,37 милиони денари.
Ново на Сител
-
Приведено уште едно лице за убиството на докторот во Железара
-
Вработените во здравството најавуваат протест на 8 април
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”