Српскиот Свислајон Таково ќе произведува кечап и мајонез во Македонија
Сопственикот на срската фирма „Свислајон Таково“ Родољуб Драшковиќ донел одлука да почне со производство на кечап и мајонез во Македонија, по затварањето на производствениот погон во Невесиње, БиХ.
Како што изјави за Вечерни новости директорот на „Свислајон Требиње“ Александар Којовиќ, фабриката во Невесиње е затворена поради економски причини.
-Производството на сокови ќе го преселиме во Горни Милановац, а производството на кечап и мајонез во Македонија. Причините се чисто економски, односно главната причина за затворање на фабриката е нејзината финансиска неисплатливост. Имавме огромни транспортни трошоци, бидејќи суровините доаѓаа од Србија, а патната инфраструктура е лоша, изјави Којовиќ.
Тој посочи дека работењето на фабриката во Невесиње значително го оптовариле новововедените такси од Косово, каде што се проваа повеќе од 15 проценти од производите.
Концернот „Свислајон Таково“ од Горни Милановац е стопански гигант во прехранбената индустрија во Србија во производството на еуро крем, бисквити, чоколади, детската храна Јувитана, кечап и мајонез, сокови и други производи.
Сопственикот Родољуб Драшковиќ поседува и неколку фабрики во регионот, меѓу кои е и Свислајон Агроплод од Ресен.
Ново на Сител
-
Сиљановска - Давкова од Тирана: Посериозна препрека е билатерализацијата на интегративниот процес од самите балкански соседи
-
MEF25: Енергетската транзиција е политички, економски и генерациски предизвик
-
ФПН во Белград, по анонимна и лажна дојава за бомба: Никој да не биде во зградата на факултетот на 17 јуни
-
Г7 договори нацрт-изјава за Израел и Иран, но Трамп најверојатно нема да ја потпише
-
Муцунски: Работиме на засилување на динамиката на средби со официјална Софија
-
ЕХФ му изрече двегодишна суспензија на грчки АЕК, парична казна за Алкалоид
-
При израелски напад погодена иранската државна телевизија
-
Захарова: САД ја откажаа средбата со Русија за нормализирање на работата на дипломатските мисии