Српската полиција почна да апси и фудбалски судии

Српската полиција денеска соопшти дека по налог на јавното обвинителство во Нови Сад уапсено е лицето С.О кој го судеше натпреварот помеѓу Спартак Суботица и Раднички Ниш кој предизвика многу контроверзи во Србија откако главниот судија досуди смешен пенал за домашните. Според изјавата, лицето било уапсено поради сомневање дека сторил кривично дело злоупотреба на службената должност.

"Тој е осомничен дека на фудбалскиот натпревар во Суботица, помеѓу ФК Спартак и ФК Раднички, позитивно ја искористил својата позиција и домашниот тим го ставил во поповолна положба во споредба со противниците, Осомничениот добил задржување до 48 часа, кривичната пријава ќе биде поднесена до надлежниот обвинител ", се вели во соопштението.