Српската листа ќе гласа за демаркацијата во замена за акции во Трепча, Пацоли демантира
Извор од кабинетот на претседателот на косовскиот Парламент соопшти дека Српска листа ќе прифати да гласа за Ратификацијата на Договорот за границата со Црна Гора ако Приштина се согласи Белград да стане акционер на косовскиот металуршки комбинат Трепча.
Според истиот извор тоа или кое и да е друго условување е целосно неприфатливо за претседателот на парламентот Кадри Весели, кој во никој случај нема да прифати да преговара со Српска листа во врска со демаркацијата на границата со Црна Гора, која е потпишана во 2015 година.
Веднаш по информацијата за условувањето на Српската листа за да гласа за договорот, заменик-претседателот на косовската Влада и министерот за надворешни работи Беџет Пацоли изјави дека Српската листа ќе гласа за ратификација на Договорот за демаркација со Црна Гора и тоа без никакви услови.
Пацоли, на овој начин, ги демантираше информациите од Кабинетот на претседателот на парламентот, Весели, дека Српската листа ја условува Ратификацијата на демаркацијата со акциите на Трепча.
Инаку, ратификацијата е услов за визната либерализација за патување на косовските граѓани во ЕУ.
Владејачката коалиција трипати неуспешно се обидува да собере мнозинство за гласање.
Ново на Сител
-
Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо