Средби на Ципрас со Оланд и Медведев
Францускиот претседател Франсоа Оланд и грќкиот премиер Алексис Ципрас сметаат дека новиот спасувачки пакет за Грција може и треба да биде договорен наскоро по 15 август, пренесува БТА.
- Целта на преговорите за спасувачката програма е да завршат до крајот на август. Знаеме дека е тешко, но сакаме да гарантираме дека условите ќе бидат почитувани. Засега сметам дека ситуацијата е добра и разговорите одат во вистински правец, истакна синоќа Оланд по средбата со Ципрас во Египет, каде присуствуваа на церемонијата на отворање на проширениот Суецки канал.
Претставниците на кредиторите на Грција (Европската комисија, Европската централна банка и Меѓународниот монетарен фонд) се во Атина во обид да изготват финансиски план за Грција преку заем од над 80 милијарди евра за три години. Договорот треба да биде постигнат до 20 август, кога Грција на ЕЦБ треба да исплати 3,4 милијарди евра.
Ципрас имаше средба и со рускиот колега Дмитриј Медведев, кои се однесуваа на економската и енергетската соработка меѓу двете земји. Тие се договориле да ги интензивираат контактите меѓу двете земји на техничко ниво со оглед на свикувањето мешана грчко-руска меѓувладина комисија во ноември. Тие се договорија министрите за енергетика да ги засилат контактите во следните месеци и ја потврдија волјата за реализација на досега договорените планови.
Ново на Сител
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето