Средба Сугарески - Лисијан, во фокусот автопатите Кичево - Охрид и Миладиновци - Штип
Министерот за транспорт и врски Горан Сугарески денеска се сретна со кинеската амбасадорка Јин Лисијан со која разговараше за инфраструктурните проекти поддржани од кинеска страна, како и за проблемите настанати при изградбата на автопатите Кичево - Охрид и Миладиновци - Штип.
На средбата, како што информира ресорното Министерство, Сугарески изразил загриженост за предвидените рокови за реализација на овие автопати и побарал поддршка од кинеска страна за што побрзо надминување на состојбата.
- Оваа средба беше повеќе од неопходна за да ги отвориме прашањата поврзани со инфраструктураните проекти кои се поддржани од кинеската страна. Ја информирав амбасадорката за состојбата со изградба на двата автопати Кичево–Охрид и Миладиновци-Штип и за проблемите што се настанати при изградбата, посебно со роковите и дополнителните работи, истакнал министерот Сугарески.
Двајцата соговорници разговарале и за економските односи меѓу двете земји, при што министерот Сугарески изразил благодарност за поддршката што НР Кина ја овозможува за реализација на капиталните проекти во Македонија.
Министерот Сугарески изразил подготвеност за продолжување на соработката во насока на продлабочување на добрите односи меѓу двете земји, посебно во делот на поддршката на инфраструктурните проекти.
Ново на Сител
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник
-
Директорка на државен ученички дом во Битола проневерила 202.500 денари
-
Починат работник донесен во Ургентниот центар во тетовската болница