Средба на Жерновски со Форумот за демократска Македонија во Њујорк
Членови на Форумот за демократска Македонија (ФДМ) од Њујорк синоќа оствариле средба со заменик министерот за надворешни работи Андреј Жерновски, кој е дел од македонската делегација на 73. сесија на Генералното собрание на Обединетите нации.
Како што информираат од ФДМ, Жерновски ја поздравил работата на Форумот и ја истакнл позитивната улога што неговите членови ја имаат во проектирањето на позитивна слика за дијаспората од Македонија.- Тој ги поттикнал членовите и понатаму да делуваат натпартиски и да продолжат со конструктивните критики кон власта во Македонија, се наведува во соопштението објавено на фб страницата на ФДМ.
Членовите на ФДМ, пак, го запознале заменик министерот со тековните конзуларни и административни проблеми со кои се соочуваат македонските државјани што живеат надвор од Република Македонија, како архаичниот и долготраен процес на издавање македонски пасоши во дипломатско-конзуларните претставништва.
Во пресрет на гласањето за референдумот во сабота на 29 септември, членовите на ФДМ побарале да се обезбедат услови за непречено и слободно гласање и почитување на тајноста на гласот. Побарале и промена на регулативата, која налага задолжително пријавување на дијаспората пред секое гласање, како и да се отстранат недоследностите во Избирачкиот список.
Од ФДМ наведуваат и дека повеќекратните обиди да остварат средба и со претседателот на државата Ѓорѓи Иванов, останале без одговор од неговиот Кабинет.
Ново на Сител
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка
-
СПМ: На 8 мај народот ќе ја определи својата иднина и иднината на државата
-
Едeн загинат во сообраќајка на експресниот пат Штип - Кочани
-
На полноќ настапува молк пред вториот круг од претседателските и парламентарните избори на 8 мај
-
Православните верници денеска слават втор ден Велигден и Ѓурѓовден
-
Право на глас на вториот круг од претседателските избори имаат 1.814.317, а на парламентарните 1.815.350