Средба на високо ниво на Јужна и Северна Кореја
Претставници на Јужна и на Северна Кореја се договорија утре да одржат средба на високо ниво на која ќе се разгледаат неопходните чекори за исполнување на ветувањето за претворање на Корејскиот Полуостров во зона без нуклеарно оружје.
Јужнокорејското Министерство за национално обединување соопшти дека предлогот за утрешната средба дошол од Пјонгјанг.
Во соопшението се прецизира дека средбата ќе се одржи во пограничното село Панмунџом. Северна Кореја ќе испрати 29 официјални претставници од различни сфери предводени од претседателот на Комитетот за мирно обединување на земјата И Сон - Гуон. Петчлената јужнокорејска делегација ќе ја предводи министерот за национално обединување Чо Мјон-Кјон.
Северна Кореја за 23 до 25 мај закажа затворање на својот нуклеарен полигон за да го исполни ветувањето да запре со нуклеарните проби. Тоа ќе се случи по корејскиот Самит што се одржа на 27 април и пред историската средба меѓу севернокорејскиот лидер Ким Џонг-ун и американскиот претседател Доналд Трамп, што е закажана за 12 јуни во Сингапур.
Ново на Сител
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата
-
ЦУК: На 112 изминатото деноноќие 1951 повик, меѓу кои и за спасување жена падната покрај пат
-
САД испраќаат нов пакет воена помош за Украина вреден 400 милиони долари