Средба на надлежните субјекти за утврдување на планот на динамика за уривање на дивоградбите во Охрид
Градоначалникот на Охрид Константин Георгиески денеска се сретна со министерот за внатрешни работи Оливер Спасовски, министерот без ресор Едмонд Адеми, како и претставници на двете министерства, со цел утврдување на планот на динамика за уривање на дивоизградените објекти во Охрид.
Како што е беше неодамна најавено од Георгиески, се бројат денови па и часови до почетокот на акцијата за уривање на дивоградбите во Охрид и долж крајбрежјето на езерото, опфатени во регистарот изготвен според препораките на Комитетот за заштита на светското културно и природно наследство на УНЕСКО.
Со планот за уривање, според соопштението од Општина Охрид, прво ќе се отстрануваат објекти кај кои не постојат правни пречки. Акцентот, како што беше речено, ќе биде ставен на активните дивоградби и објектите во активната зона на НП „Галичица“ и крајбрежјето.
На средбата била изразена согласност активностите на Општина Охрид во справувањето со нелегално изградените објекти да бидат поддржани од надлежните државни институции, а целата акција да се спроведува со постојана координација на надлежните институции.
Ново на Сител
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција
-
УЕФА ја казни Барселона
-
Ѓорческа не го помина второто коло на фјучрсот во Копер
-
Хамилтон: Ќе се тркам долго откако ќе наполнам 40 години, Ферари не е нешто краткорочно
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата