Средба на началниците на генералштабовите на армиите на Норвешка и Северна Македонија
Началникот на Генералштабот на Вооружените сили на Кралството Норвешка, генерал Еирик Кристоферсен, кој од вчера е во дводневна официјална посета на Армијата на Република Северна Македонија, денеска во Охрид ќе оствари средба со началникот на Генералштабот на Армијата, генерал-потполковник Васко Ѓурчиновски.
Церемонијата за пречек со воени почести, информираа од ГШ на Армијата, ќе се одржи во Кампот за обука на вода, кај сидриштето Билјанини извори, по што генералот Кристоферсен ќе оствари средба со својот домаќин, генералот Ѓурчиновски.
- Тема на официјалните разговори, покрај билатералната соработка, ќе бидат и активностите во процесот на трансформација на Армијата, нашиот придонес во мисиите и активностите на НАТО надвор од земјата, како и капацитетите и можностите за изведување на вежбовни активности на армискиот полигон „Криволак“,с е наведува во соопштението.
За време на посетата, на генералот Кристоферсен од страна на генералот Ѓурчиновски ќе му биде доделено армиското признание „Златна значка на Армијата“ во знак на благодарност за досегашната помош и поддршка, меѓу кои е и последната донација составена од 76 моторни возила.
Ново на Сител
-
Таткото на осомничениот за убиството на Данка Илиќ излегува на слобода
-
Касами: Добро оди целата процедура за договорање на следната влада
-
Внимавајте: Се шири линк до лажна веб страна на Владата која краде податоци за кредитни картички
-
Националниот ден на Власите - 23 Мај, неработен за припадници на влашката заедница
-
Поевтинуваат горивата ова се новите цени
-
Тешко повреден велосипедист во сообраќајка на Средно Водно
-
До петок нестабилно време со повремен пороен дожд, град и грмежи
-
СДСМ во среда ги почнува подготовките за избор на ново раководство - закажан состанокот на Извршниот одбор