Средба на Димитров со Могерини
Министерот за надворешни работи Никола Димитров денеска во ракмите на Бледскиот стратешки форум остварил средба со високиот претставник на ЕУ за надворешна политика и безбедност, Федерика Могерини.
Како што соопшти Министерството за надворешни работи, на средбата соговорниците разговарале за европските приоритети на Македонија.
-Во регионот не треба да се плашиме да разговараме отворено за минатото, но не смееме да се дефокусираме од дискусијата за иднината, затоа што и иднината и вредностите што ги споделуваме се европски", истакнал Димитров по разговорите со еврокомесарот за мобилност и транспорт Виолета Булц и министерот за надворешни работи на Романија Теодор Малескану,
На Форумот во Блед, шефот на македонската дипломатија раговарал и со министерот за Европа на Франција Натали Лузеау како и со министрите за надворешни работи на Малта и Унгарија, Кармело Абела и Петер Сијарто, при што заеднички било констатирано дека за иднината на Балканот исклучително важни се и реформите и европската перспектива да бидат реални и кредибилни.
Според Димитров непредвидливоста која ја обременува Европа и светот е сигнал дека Македонија во регионот мора да ги забрза европските интегративни процеси.
Ново на Сител
-
Тема на денот со Александар Даштевски, претседател на ДИК
-
Мостот „Беласица“ целосно функционален
-
Зошто Токсикологија не почитува мерки на надлежни институции
-
Ќе се врати ли старата цена на осигурување за регистрација на возилата?
-
Обвинителството со огромен број докази за распределбата на спортски ваучери
-
ДУИ притиска: Без нас нема Влада - Од ВМРО-ДПМНЕ децидни Ахмети останува во опозиција
-
Парламентарни избори 2024
-
Вапцање велигденски јајца в зори на Велики Четврток