Средба Ахмети-Рикер: Да се работи на унапредување на судството и односите со соседите
Вршителот на должност помошник – државен секретар на САД за Европа и Евроазија, Филип Рикер на денешната средба со лидерот на ДУИ, Али Ахмети во седиштето на ДУИ во тетовска Мала Речица разговараше за актуелните политички случувања во државата. Двајцата соговорници се согласни дека треба да се работи на унапредување на судството и односите со соседите.
-Разговаравме за значајни прашања, за нашите напори што ги правиме за владеење на правото во нашата земја. Исто така разговаравме околу законот за јавно обвинителство, за постигнување резултати во реформите посебно во судството, како и за понатамошно унапредување на односите со соседите. Една од темите беше развој на односите на земјава со регионот за да имаме Западен Балкан што ќе биде помирен. Затоа е потребна подобра и посилна комуникација при што помошник – секретарот не охрабри овие процеси да ги засилиме, изјави Ахмети по средбата.
Тој истака дека останува поддршка од страна на САД за Република Северна Македонија и нема конкретни забелешки од нивна страна.
-Единствено се бара посилна консолидација на институциите посебно на тие што имплементираат законот, рече лидерот на ДУИ.
На новинарските прашања што ако опозицијата не гласа за законот за јавно обвинителство, Ахмети вели дека меѓународната заедница како стратешки партнери на земјата бара овој закон што е можно поскоро да се усвои.
-Што се однесува до опозицијата, тие би требало да имаат предвид дека треба да комуницираат и соработуваат со политички сили во земјата, но и со меѓунаронародна заедница, затоа што прашањата се толку поврзани едно со друго, рече Ахмети.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација