-->
-->
Сребрениот пливач Стојаноски на прием во АМС
-->

По освоениот медал на Светското првенство за пливачи со оштетен слух од страна на Андреј Стојаноски денеска Агенцијата за млади и спорт одржа прес конференција на која беше поздравен успехот на Стојаноски на натпреварувањето што се одржа во Сан Антонио, САД.
Директорот на Агенцијата за млади и спорт Марјан Спасески изјави:
- Андреј Стојаноски е во групата врвни македонски спортисти и притоа има континуитет на врвни резултати. Во неколку наварти Стојаноски го освојуваше четвртото место, а ова сега е негов најдобар резултат. Тој е носител на стипендија од светска категорија и со овој резултат ја потврди и за следните четири години. Ова е огромен успех и за неговиот тренер, кој истотака ќе добие и еднократен надоместок. Поддршката од Агенцијата за млади и спорт ќе продолжи, а учеството на ова натпреварување беше помогнато со 250.000 денари.
Освојувачот на медалот Андреј Стојаноски истакна:
- Ова беше тежок натпревар, а сребрениот медал беше голема желба. Во иднина ќе тренирам и се надевам дека ќе освојам и златен медал.
Стојаноски беше учесник на четири финални трки, а среброто го освои во дисциплината 1.500 метри слободно, додека на 400 слободно беше петтопласиран, на 200 слободно беше осми, а седмото место го освои во дисциплината 400 метри мешано.
Стојаноски и неговиот тренер Марјан Соколовски за време на претстојот во САД имаа голема помош од поранешниот пливач и олимпиец на Македонија Кире Филиповски. Инаку, соработката меѓу Стојаноски и Соколовски трае 12 години.
-->
-->
-->
Ново на Сител
-

Девојка со скалпел се обидела да ограби 18-годишник во Скопје
-

Гостиварец се обидел да нападне човек со моторна пила, па бил нападнат со дрвен предмет
-

Тригодишно дете од Гевгелија починало на пат кон болница
-

Тошковски: Придобивките од „One Stop“ веќе се видливи, на Табановце се чека околу 30 минути
-

Поранешниот потпретседател за респираторни истражувања во Фајзер: Ковид вакцините се токсични
-

Мицкоски: Коридорот 8 ќе биде завршен до 2029 година, автопатот Кичево–Охрид до втора половина на 2027
-

УХМР: Дожд во вечерните часови и во текот на утрешниот ден, следува заладување
-

Специјалците спасија тешко повреден алпинист кај Демир Капија
