-->
-->
Србин пробал да украде „Ренџ Ровер“ од 100.000 евра во Дебар Маало, фатен на лице место, еве ги деталите
-->
Српски државјанин се обидел да украде „ренџ ровер“ вреден 100.000 евра во скопската населба Дебар Маало, но бил спречен од сопственикот на возило, кој го забележал од блиската кафена. Против Србинот, Основното јавно обвинителство отвори истражна постапка за кривичното дело Тешка кражба и побара од судот да му биде одредена мерка притвор.
„Осомничениот на 10.04.2019 година, на улицата Орце Николов во Скопје, заедно со уште едно засега непознато лице, со провалување се обиделе да одземат туѓ подвижен предмет – автомобил. Осомниченото лице со употреба на подесен предмет (штрафцигер) го скршил задното десно стакло на паркирано патничко моторно возило ‘ренџ ровер’, сопственост на правно лице. Потоа влегол во возилото и со електронски уред за декодирање и клуч за стартување се обидел да го стави возилото во погон. Во тој момент, од блискиот угостителски објект излегол сопственикот и го затекнал осомничениот во возилото, со што го спречил во намерата противправно да го присвои автомобилот вреден 6.241.800 денари“, соопшти Јавното обвинителство.
Од обвинителството велат дека барањето за притвор е поради опасност во бегство, да го повтори кривичното дело или да влијае врз сведоците, а особено што се работи за српски државјанин за кого постои информација дека е предмет на национална потерница на српските државни органи.
-->
-->
-->
Ново на Сител
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово