Спречен терористички напад во Татарстан

Федералната служба за безбедност на Русија (ФСБ) спречи терористички напад во Татарстан, планиран од двајца припадници на џихадистичката група Исламска држава.

– ФСБ заедно со Министерството за внатрешни работи спречи терористички напад врз една од владините згради во Татарстан, соопшти безбедносната служба.

Двајцата уапсени се руски државјани, припадници на ИД. Тие се товарат дека мобилизирале граѓани да се придружат во ИД и ширеле терористичка пропаганда.

При апсењето на осомничените, руските полицајци заплениле експлозивни направи од домашна изработка.