Македонските фудбалерки против Бугарија на премиерата во Лигата на нации

Македонската женска фудбалска репрезентација денеска во Скопје против селекцијата на Бугарија ќе го одигра премиерниот натпревар во новоформираната Лига на нации на УЕФА.

Натпреварот, што е на програмата попладнево од 15 часот на ФФМ Комплексот „Петар Милошевски“ е во рамки на групата 5 во Ц – дивизијата во која третиот претставник е Косово.

Македонските фудбалерки трет пат во историјата ќе играат против Бугарија.

Воедно ова ќе биде прв меѓусебен официјален натпревар по двата пријателски дуели во кои двете репрезентации забележаа по една победа.

Македонските фудбалерки триумфираа 3-2 во 2011 година, а претрпеа пораз од 1-2 во февруари годинава.