Според Министерството за правда на САД направени се напори за „попречување“ на истрагата за документите на Доналд Трамп
Документите во имотот на поранешниот американски претседател Доналд Трамп во Флорида „најверојатно биле скриени“ за да се спречи истрагата на ФБИ за неговата потенцијална злоупотреба на доверливи материјали, соопшти денеска американското Министерство за правда.
Судскиот поднесок е досега најдеталниот извештај за причините за овомесечната рација на ФБИ на имотот на Трамп во Мар-а-Лаго, поттикната од прегледот на записите што тој претходно им ги предал на властите кои содржеле високо доверливи информации. Пред рацијата, ФБИ откри „повеќе докази“ кои покажуваат дека „класифицираните документи“ останале во Мар-а-Лаго, се вели во документот. „Владата, исто така, доби докази дека записите најверојатно биле скриени и отстранети и дека најверојатно биле направени напори да се попречи истрагата“, се додава во поднесокот.
Министерството соопшти дека објавило детални информации за подготовките за рацијата „за да се корегира нецелосниот и неточен наратив“ претставен од поранешниот претседател. Одговорот на Министерството доаѓа по минатонеделното барање на Трамп за независна страна да ги прегледа документите запленети за време на рацијата.
Тоа беше отфрлено бидејќи „тие документи не му припаѓаат на Трамп“, нагласуваат од Министерството. „Назначувањето на специјален надзорник е непотребно и значително ќе им наштети на важните владини интереси, вклучително и интересите на националната безбедност“, се додава во документот.
Ново на Сител
-
Забрана за сообраќај за тешки товарни возила на Струга – Ќафасан
-
Задолжителна употреба на зимска опрема на патот Тетово – Попова Шапка
-
Таравари: Раководство на партијата ќе се обиде да најде заеднички јазик со коалицијата „Вреди“ за локалните избори
-
„Сите имаме повредени или загинати роднини и пријатели, револтирани сме од овој гнил систем“, истакнаа организаторите на протестниот марш во Кочани
-
Царините на Трамп предизвикаа „хаос“, повеќе од 50 земји бараат преговори со Белата куќа
-
Лидерот на најголемата опозициска партија во Турција побара предвремени избори
-
Пронајдено залутано лице кај Мрежичко на Кожуф
-
Одземени десет возила поради предизвикување голема бучава и диви трки во Скопје | ФОТО