СПМ ја поддржува одлуката на претседателот Иванов
Социјалистичката партија (СП) ја поддржува одлуката на претседателот Иванов за потпишување на општиот акт за амнестија, бара сите граѓани да се обединат во одбрана и сочувување на државата и потенцира дека од самиот почеток се против мешањето на странскиот фактор во, како што велат, „наводното решавање на состојби во кои е самиот учесник“.
- Предупредивме на сите опасности на кои е изложена земјава со нејзиното дестабилизирање и на последиците од тоа, поучени од историските настани кои секогаш биле на штета на македонските национални и државни интереси. Во услови кога сите државни институции функционираа и кога судската власт непречено работи не може да се зборува за политичка криза, рече генералниот секретар на СП Љупчо Димовски на денешната прес-конференција и нагласи дека ја поддржуваат одлуката на претседателот Иванов.
Одлуката, додаде, претставува легитимна, уставна и законска можност и право на институцијата Претседател.
- Одлуката доаѓа во момент кога се загрозени најсуштествените национални и државни интереси. Сметаме дека е потребно да се спречат деструктивните сили во намерите за создавање на ситуација на анархија. Не смее да им се дозволи на тие кои што бараа избори да бегаат од изборите, тие кои се повикуваат на демократијата да делуваат недемократски, тие кои се повикуваат на правото да дејствуваат спротивно на тоа да продолжат со активностите, со единствена цел да дојдат на власт нелегитимен и нелегален начин, рече Димовски.
Истовремено, посочи, наместо грубо мешање во внатрешните работи на суверена, самостојна и независна држава, бараме од меѓународната заедница соработка и економска и политичка поддршка со отворање на вратите за членство во НАТО и во Европската унија.
Ново на Сител
-
Времено затворен граничниот премин Блаце, пожарот се движи кон с. Бразда
-
Ќе пропадне ли интерпелацијата на ДУИ за претседателот на Уставен?
-
Тема на денот со Орце Ѓорѓиевски, кандидат на ВМРО-ДПМНЕ за градоначалник на Скопје
-
Времено затворен граничниот премин Блаце, пожарот се движи кон с. Бразда
-
Прва жртва на пожарите
-
400 невработени ќе може да се пријават за гаснење пожари, плата 24.000 денари
-
Скок на инфлацијата во јуни, премиерот наскоро најавува мерки
-
Олеснување на постапка за работни дозволи и престој на странци, како и пониски царини бараат странските компании од владата