Спираки: Официјалното име на соседната земја е Северна Македонија, дискусијата за таблите е од мало значење
Според Договорот од Преспа, официјалното име е Северна Македонија, а дискусијата за таблите е од мало значење. Впрочем тие означуваат растојание меѓу градовите, коментираше портпаролката на Нова демократија, Мариа Спираки на брифингот со новинарите во однос на промената на таблите во северниот дел на земјата, јави дописничката на МИА од Атина.
-Очигледно е дека официјалното име на земјата, како што произлегува од Договорот од Преспа, што, потсетувам повторно, беше ратификуван со гласовите на СИРИЗА и на подготвените пратеници, е Северна Македонија. Оттука, секоја дискусија во однос на таблите е од мало значење. Освен тоа, како што добро знаете, таблите го одредуваат километарското растојание меѓу градовите, рече Спираки.
Портпаролката на Нова демократија и европратеничка, одговарајќи на новинарско прашање за изјавите на германскиот министер Михаел Рот во однос на Договорот од Преспа, уште еднаш ја повтори позицијата на најголемата грчка опозициска партија дека станува збор за договор штетен за Грција, но и ставот дека доколку биде потребно Нова демократија, како влада, би го искористила правото на вето.
-Нова демократија и господинот Мицотакис веќе јасно ставија на знаење дека имаат секаква можност да го контролираат патот на соседната земја кон ЕУ и имаат секаква можност да го искористат правото на вето, доколку проценат дека има штета за националните интереси, рече Мариа Спираки.
Ново на Сител
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук
-
Зеленски: Украина стори се што беше можно да ги отвори преговорите со ЕУ во јуни
-
СЗО: Медицинска помош не е влезена во Газа од израелското заземање на преминот Рафа, на 6 мај
-
Словачкото обвинителство побара притвор за напаѓачот на премиерот Фицо, судот за тоа ќе одлучува утре
-
УЈП ги потсетува граѓаните да ги проверат своите годишни даночни пријави за 2023
-
Тешко повредено едно лице откако српско возило излетало од автопатот Неготино - Демир Капија