Специјалец од Струга добивал заканувачки пораки, му оставиле и куршум

Ноќеска во 00.10 часот во ПС од ОН Струга, вработен во Единицата за брзо распоредување при Министерството за внатрешни работи пријавил кривично дело „загрозување на сигурноста“.

 

Имено, вчера во периодот од 21.00 до 23.00 часот пред неговата семејна куќа, од страна на непознато лице на патничко моторно возило „БМВ“, сопственост на неговата мајка, било оставено ливче со заканувачка порака и еден куршум калибар 9мм.

 

Исто така, на 07 овој месец година на неговото возило пронашол лист со заканувачка порака, но тој настан го пријавил само на неговото работно место. ПС ОН Струга презема мерки за целосно расчистување на случајот.