Спасувачите трагаат по исчезнати по поплавите и свлечиштата во Јабланица
Спасувачи утринава ја започнаа потрагата по исчезнати во селото Доња Јабланица, во северниот дел на Херцеговина, кое е затрупано од огромните наноси од камења, песок и кал во катастрофалните поплави што вчера ја погодија Босна и Херцеговина.
Припадници на Цивилната заштита, пожарникари, планинарската спасувачка служба и други служби се обидуваат да стигнат до куќите за кои се стравува дека го кријат најголемиот број исчезнати во поплавите и свлечиштата што синоќа ги погодија општините Јабланица и Коњиќ и неколку други централни босански општините.
Градоначалникот на Јабланица, Дамир Шабановиќ, вели дека се распоредени голем број спасувачи и градежни машини.
-Вложуваме максимални напори да им помогнеме на сите, да спасиме луѓе и предмети, рече тој.
Според последните податоци, пронајдени се 16 тела на жртвите, додека медиумите јавуваат и за 17-то пронајдено тело на подрачјето на Јабланица во поплавите и одроните од карпи. Во Долна Јабланица официјално за исчезнати се пријавени 12 лица, додека медиумите јавуваат дека има повеќе десетици случаи.
Едно лице загина во Бутуровиќ Поле, во општина Коњиќ, а се трага по уште четири лица. Тројца удавени лица се пронајдени во Фојница, во централна Босна.
Сообраќајот на главниот автопат кон Мостар се уште е во прекин, бидејќи дел од патот пропадна во реката Неретва. Во оваа општина и соседниот Коњиќ има голем број населени места кои се уште се отсечени од светот.
Материјалната штета е огромна, а помош за Босна и Херцеговина најавија и Европската Унија и соседните Република Хрватска и Србија, како и бројни други земји.
За лицата од загрозените подрачја се организира сместување во Спортската сала во Јабланица и во Центарот за бегалци Салаковац кај Мостар. Обезбедени се 80 легла во Јабланица и 120 во бегалскиот центар.
Ново на Сител
-
Сиљановска Давкова: Извонреден е Договорот со Обединетото Кралство, не факторизира геополитички на Балканот
-
МВР со прекрошочна за нелегалниот приклучок на фекална канализација што го откри Арсовска
-
Штеки цигари сокриени во цевка за црево на цистерна на Богородица
-
Поминал со возило но не се заканувал, се расчистува случајот со заканите кон Арсовска
-
Тошковски: Прашањето е како е донесена одлука од Судот да се врати патната исправа на Јахоски, а не зошто МВР постапило согласно судска одлука
-
Кос: Бугарија и Северна Македонија треба да разговараат и да најдат решение за билатералното прашање
-
Зеленски ја поддржа иницијативата на Ердоган за средба со Трамп и Путин
-
Едно лице загина, а десетици се повредени во земјотресот на медитеранскиот брег на Турција