Спасовски во Букурешт се сретна со романската колешка, во фокусот зајакнување на соработката
Соработка меѓу двете земји особено од аспект во борбата против организираниот криминал, тероризмот, миграциите, компјутерскиот криминал размена на полициски искуства на оперативно ниво беше во фокусот на денешната средба во Букурешт на министерот за внатрешни работи Оливер Спасовски со романската министерка за внатрешни работи на оваа земја, Кармен Даниела Дан.
Двајцата министри разговарале и за соработката во делот со едукација и размена на кадри меѓу нашиот Центар за обука на полициски кадри и нивната Полициска академија по европски стандарди и методи кои ќе бидат од заеднички интерес на двете институции.
Спасовски и Даниела Дан се согласиле за потребата од назначување на контакт точки за директна соработка со што ќе се овозможи размена на брзи и точни информации од полициското работење. Исто така на средбата стана збор и за безбедносните приоритети во рамки на актуелното романско претседавање со Европската унија.
Спасовски денеска во Букурешт се сретна и со генералниот директор на СЕЛЕК (Центарот за спроведување на законот во Југоисточна Европа) Снежана Малеева, чие што седиште е во главниот романски град.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата