Спасовски: Mожеме и мораме да ги заштитиме жените и девојчињата од секаков вид на насилство

Денеска на меѓународниот ден за елиминација на насилство против жените и девојчињата министерот за внатрешни работи Оливер Спасовски имаше свое обраќање во рамки на проектот на Комората за приватно обезбедување „Портокалова дланка-обединети во активизам против насилство врз жените и девојчињата“. 

„Изминативе години во светот и кај нас во голема мера се рушеа предрасудите околу родовото насилство, особено насилството врз жените и девојчињата. Колку повеќе се соочувавме со оваа проблематика, толку повеќе растеше свесноста за целокупната сложеност, специфичност, условеност на проблемот, односно колку и во која мера оваа социо-патолошка појава објективно ги тангира речиси сите сегменти на општественото живеење и функционирање“, истакна Спасовски надополнувајќи дека низ призмата на полициската практика во поглед на насилството врз жените не се соочуваме само со семејната дисфункционалност, туку со низа сериозни социо-економски фактори, со културно - традиционалистички квази-вредности, со образовно-воспитни субстандарди, со социо-патолошки и криминогени фактори, кои што лежат во заднината на оваа општествено, но и индивидуално крајно сериозна проблематика“, истакна Спасовски надополнувајќи дека родово базираното насилство, односно семејното насилство е сериозен проблем и бара внимание и постапување од соодветните институции по поднесена пријава, се со една единствена цел, а тоа е заштита на жртвите и казнување на сторителите на насилството.

 „Во пресрет на глобалната акција на Обединетите Нации – 16 дена активизам против родово базирано насилство потребно е сите заедно како општество, но првенствено и како луѓе солидарни и сочувствителни едни кон други поамбициозно и поорганизирано да продолжиме во елиминирањето на ова зло – насилството кон жените и девојчињата“ дециден беше Спасовски. 

Министерот своето обраќање во заврши со цитати од Општата Декларација за правата на човекот на ООН посочувајќи дека можеме и мораме да ги заштитиме жените и девојчињата, сите да бидеме дел од Портокаловата дланка-обединети во активизмот против насилството!