Спасовски ќе ја предводи делегација на Владата на Самит на ЕБОР за Западен Балкан во Лондон
Премиерот Оливер Спасовски денеска заминува за Лондон, Обединетото Кралство, каде ќе ја предводи делегацијата на Владата во која е и министерката за финансии Нина Ангеловска и министерот за економија Крешник Бектеши, на Инвестицискиот самит на Европската банка за обнова и развој (ЕБОР) за Западен Балкан.
Самитот, како што соопштуваат од владината прес-служба, кој ќе се одржи утре и со кој ќе претседаваат Сума Чакрабарти, претседател на ЕБОР и Андреј Пленковиќ, премиер на Хрватска, како земја претседавач со ЕУ, има за цел да ги утврди најзначајните проекти на земјите членки на Западен Балкан од регионално значење кои во претстојниот период можат да очекуваат поддршка за реализација од ЕБОР.
Во рамки на посетата, предвидена е и билатерална средба на премиерот Оливер Спасовски со претседателот на ЕБОР, Сума Чакрабарти.
Ново на Сител
-
Минималната плата мора да се зголеми
-
Три седници во Собранието
-
ВМРО-ДПМНЕ: СДСМ ги партизираше институциите
-
Викендот во Штип 39-то издание на „Макфест“
-
Преглед на вестите од светот
-
Замрзнати вработувањата во администрација
-
Тема на денот со Ѓоко Велковски, заменик министер за социјална политика, демографија и млади
-
Ахмети го свика централното претседателство на ДУИ: Протестите можна точка за дебата