Спасовски: Ефикасната оперативна соработка со ЕВРОПОЛ продолжува и во наредниот период
Активниот придонес на МВР во изготвувањето на Извештајот за процена за закани од сериозен и организиран криминал во ЕУ – СОКТА, врз чија основа Советот на ЕУ ги усогласува приоритетите во борбата против организираниот и сериозен криминал, бил истакнат на денешната средба на министерот за внатрешни работи Оливер Спасовски со извршната директорка на ЕВРОПОЛ, Катрин Де Бол, во Хаг.
-Оваа соработка во континуитет се зацврстува и ги отсликува нашите напори во унапредување на меѓународната полициска соработка, како еден од приоритетите за придонес кон безбедност и стабилност во нашиот регион, како и во земјите на Европската Унија, што понатаму се рефлектира и на глобално ниво, напиша министерот Спасовски на Фејсбук.
Тој упати благодарност до директорката Де Бол, со силна увереност дека во листата на приоритети на МВР и во наредниот период останува интензивирањето на соработката со ЕВРОПОЛ, преку континуирано активно учество во тековните активности на Агенцијата, со што продолжува несебичниот придонес на нашата држава со сите расположливи капацитети.
Министерот Спасовски, како што информираа од МВР, за време на дводневната посета на Хаг ќе присуствува на презентации од страна на експерти од Европол за работата на Оперативните центри во Европол, а ќе го посети и бирото на Република Северна Македонија во Европол.
Според агендата, предвидено е министерот Спасовски да оствари билатерална средба со заменик генералниот директор за управување со меѓународна миграција во Министерството за правда и безбедност на Кралството Холандија, Еуке Фабер и да се сретне со почесниот конзул на Република Северна Македонија во Кралството Холандија, Бено Фридберг.
Популарно од Македонија
Ново на Сител
-
Украден „голф“ кој бил паркиран со клуч на бравата - возачот удрил во маркет и повредил вработена
-
Кумановец сакал да откупи крипто валути, останал без 43.750 евра
-
МЗШВ: Засилени контроли на АХВ во Липково поради појава на сипаници кај овците и козите
-
Јаневска: Нема потреба од повлекување на законот за високо образование, нема многу забелешки, сите разумни ќе бидат прифатени
-
Зеленски: Следните мировни преговори ќе се одржат во Абу Даби на почетокот на март
-
Oткриен обид за шверцување 4.800 пакувања никотински кесички во вредност од 1,2 милион денари
-
Дала 2.700 евра а барала да се вратат 15 илјади евра, уапсена 53 годишна лихварка во Струмица
-
Дете извадило нож во ОУ „Киро Глигоров“, мајката потпишала изјава дека ножот во ранецот го ставила по грешка
