Спасовски: Безбедносната состојба стабилна
Безбедносната состојба во Република Македонија е стабилна и таа може да се одржува стабилно само ако навистина сите заеднички го ставиме државниот и интересот на граѓаните пред политичките интереси, изјави министерот за внатрешни работи Оливер Спасовски при денешниот престој во Битола.
Спасовски порача дека не треба да се преземаат активности исклучиво во интерес на партија затоа што со тоа се наштетува на државата.
.- Договорот беше шанса за помирување и секој од политичките субјекти треба да биде длабоко свесен дека влечејќи потези исклучиво во интерес на партијата, всушност прави потег против интересите на граѓаните на Република Македонија, рече Спасовски.
Одговарајќи на новинарско прашање министерот за внатрешни работи изрази жалење и рече дека се уште трае истрагата за вчерашните инциденти во Скопје, каде беше пронајден мртов четириест годишниот К.К. во стан на улицата „Митрополит Теодосиј Гологанов“, со повреди од огнено оружје, како и за ранувањето на поранешен функционер на СДСМ.
- Вчера веднаш по настанот Јавниот обвинител излезе на лице место, заедно со полицијата извршија увид, истрагата се уште трае и за сите детали и дилеми кои постојат во македонската јавност, по завршувањето на истрагата таа ќе биде споделена со јавност. Жалам за инцидентот што се случи и во Битола во кој што настрада поранешен пратеник на СДСМ, а заедно со него биле поранешен градоначалник и поранешен началник на Управата за безбедност и контраразузнавање, рече Спасовски.
Најави дека професионалците во МВР ќе го истражат и овој случај, по што битолската и македонската јавност ќе бидат информирани.
Спасовски присуствуваше на поменот за 15-годишнината од загинувањето во Вејце на македонските бранители Марјан Божиновски, Илчо Стојановски, Бошко Најдовски и Кире Костадиновски.
Ново на Сител
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски
-
Мицотакис: Ги предупредуваме нашите северни соседи, не почнавте добро, престанете да правите сметка без крчмарот