Спасени двајца браќа кои со мотицикли се загубиле на Шар Планина
Двајца браќа од Скопје кои со мотоцикли вчера тргнале да се искачуваат на Титов врв, но заталкале на Шар Планина, ноќеска се спасени од полициски службаници од станицата за граничен надзор Маздрача и од Секторот за внатрешни работи Тетово.
Во тетовската полиција синоќа околу 21 часот и 15 минути било пријавено дека Е.Х.(31) и неговиот брат С.Х.(25), двајцата од Скопје, кои околу 14 часот со мотоцикли се упатиле кон Титов врв на Шар планина и планирале да стигнат во Стрезимир, заталкале во планината, а им се случил и дефект. На Е.Х. му се влошила и здравствената состојба, па неопходна му била лекарска помош.
Полициските службеници поделени во неколку групи, започнале со пребарување на теренот, и околу 1 часот по полноќ браќата биле пронајдени на потегот помеѓу Титов врв и Враца рид, над Боговиско езеро, по што за кусо време биле пренесени во тетовската клиничка болница за укажување на лекарска помош и потоа заминале во своите домови, соопшти МВР.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање