СП 2026: Аргентина со чудесен пресврт го совлада Египет во осминафиналето

Аргентина обезбеди пласман во четвртфиналето на Светското првенство со епски пресврт и победа од 3:2 против Египет. „Гаучосите“ губеа со 2:0, промашија пенал, но со головите на Кристијан Ромеро, Лионел Меси и Енцо Фернандез во самата завршница успеаја да ја скршат храбрата екипа на „фараоните“.

Египет рано дојде во водство преку Јасер Ибрахим во 15. минута. Само неколку минути подоцна, Лионел Меси промаши пенал, со што резултатот остана 0:1 во корист на аутсајдерот по првите 45 минути.

На стартот на вториот дел, Египет преку Мостафа Зико зголеми на 2:0, најавувајќи сензација.

Аргентинците ја започнаа драматичната мисија за спас преку Кристијан Ромеро, кој намали на 2:1 во 79. минута. Во 83. минута, Меси израмни на 2:2, а во судиското продолжение (90+2 минута) Енцо Фернандез погоди за конечни 3:2 и делириум на стадионот во Атланта.

Со оваа победа, Аргентина закажа четвртфинален дуел против подобриот од пресметката помеѓу Швајцарија и Колумбија. Египет, и покрај елиминацијата, ќе остане запаметен по својот историски мундијалски настап.