Ракомет
12. January 2019 - 11:52

СП 2019 - Талески: Со трпелив напад до триумф над Бахреин

Првиот дуел македонските ракометари на СП во Германија/Данска во Минхен го добија со 38:29 против селекцијата на Јапонија, а распоредот во групата Б одреди и вториот противник на Македонија да биде азиска селекција.

- Имаме 24 часа за подготовки и се надевам на добар натпревар. Бахреин е повисока селекција од Јапонија, имаат покомпактна одбрана, па поради тоа мора да бидеме трпеливи во нападот, да градиме 100% шанса и да не ги повториме грешките со избрзани шутеви како со Јапонија. Нема да биде лесно, но одиме со сите сили, изјави левиот бек на нашата селекција Филип Талески.