Советникот за надворешна политика на канцеларката Меркел на средба во МНР
Министерот за надворешни работи Никола Димитров го запознал советникот за надворешна политика во Владата на СР Германија Јан Хекер со текот на реформите неопходни за европската и евроатлантска перспектива на Република Македонија.
Како што соопшти МНР, Димитров денеска го примил на средба Јан Хекер, кој е советник за надворешна политика на германската канцеларка Ангела Меркел и кој е во работна посета на земјава.
Посебно внимание, наведува МНР, беше ставено на предизвиците во тој процес, вклучувајќи го и текот на преговорите со Грција за надминување на разликата околу името.
- Советникот Хекер увери дека идната германска Влада ќе ја продолжи својата активна улога за интеграцијата на Република Македонија и регионот во ЕУ и НАТО, истакнувајќи дека Западниот Балкан останува врвен приоритет на германската надворешна политика. Тој исто така ги поздрави напорите на Владата на Република Македонија за спроведувањето на домашните реформи и позитивниот и проактивен пристап во односите со соседите, информира МНР.
Шефот на дипломатијата Димитров се заблагодарил за козистентната поддршка на СР Германија за европската перспектива на Република Македонија и во тој контекст го поздравил договорот за формирање нова коалициска влада во Берлин, како исклучително значаен за регионот, Европа и пошироко.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО