Состојбата со мигрантите на границата кај Гевгелија под контрола
Состојбата на границата со Грција е под контрола. Од македонска страна, како што информираат од полицијата се пропуштаат одреден број мигранти кои чекаат на границата согласно капацитетите на државата. Предност имаат поранливите категории. На дивиот граничен премин од грчката страна се уште има поголема група мигранти.
Претставници на УНХЦ информираат дека синоќа поради обилните врнежи македонската полиција на дивиот премин на македонско грчката граница пропуштила поголема група мигранти додека вчера во текот на денот пропуштани се ранливи групи на мигранти, односно повредени и мигранти со мали деца.
Воз со околу 300 мигранти утринава во 5 и 15 часот заминал од Гевгелија за Табановце, информираат од Железничката станица во Гевгелија.
Оттаму посочуваат дека за денеска се најавени повеќе вонредни возови за транспорт на мигранти, а патниците од меѓународниот воз од кој сообраќа од Белград до Солун утрово со автобус се упатија кон Грција.
Во текот на вчерашниот ден пет композииции со мигранти ја напуштија железничката станица во Гевгелија од нив три на редовна линија, а два вонредни и се упатија кон Табановце.
Како што инофмрираат од Железничката станица во Гевгелија композициите се со капацитет од 200 до 700 лица.
Следниот воз за Табановце треба да дојде околу 10 часот.
На железничката станица во Гевгелија има околу 200 до 300 мигранти. Мигрантите кои доаѓаат најчесто се од Сирија, Авганистан, Ирак, Пакистан, Сомалија, Палестина, Конго, Бангладеж, Нигерија, Камерун, Еритреја, Етиопија. До вчера на вкупно 41.595 странски државјани им е издадена потврда за искажана намера за поднесување барање за признавање на право на азил.
Ново на Сител
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово