Состанок на секторската група „Образование, вработување и социјална политика“
Во Владата денеска се одржа работен состанок на секторската работна група „Образование, вработување и социјална политика“ посветен на потребата од директна координација помеѓу политиките за вработување и образовните политики од што зависи социоекономскиот развој во Македонија.
Како што соопшти владината прес-служба, покрај националните институции на состанокот првпат учествуваа и претставници на донаторската заедница, како и претставници на граѓанските организации, со што ќе се овозможи подобра координација помеѓу институциите и донаторите на политичко и техничко ниво.
Секторската група ја координираат Министерството за труд и социјална политика и Министерството за образование и наука. Воведни обраќања имале министерките Царовска и Дескоска, и Никола Бертолини, раководител на Секторот за соработка во Делегацијата на ЕУ.
Министерството за образование и наука е фокусирано на реализација на Стратегијата за образованието 2018-2025, односно реформата во предучилишното, основното и средното образование, хармонизацијата на образованието со пазарот на труд, инклузивните образовни практики и воспоставување на систем за евалуација и обезбедување на квалитет во високото образование.
МТСП, пак, ги претставило клучните предизвици и планови - реформата на системот за социјална заштита, деинституционализацијата, мерките за вработување и зголемување на вработливоста, родовата еднаквост, раниот детски развој и решавање на прашањето на лицата без документи.
- Целта на оваа секторската група е да се канализира секторскиот дијалог за да се осигура заедничката работа на приоритетните мерки и политики во секторот „Образование, вработување и социјална политика“, и да се воспостави усогласеност и синергија помеѓу разните иницијативи. Исто така, преку ваквиот пристап, буџетските средства и целата помош и ресурси што стојат на располагање, ќе се користат целисходно, транспарентно и на најдобар начин за остварување на зацртаните политики, информира владината прес-служба.
Владата се заложи до 2019 година да воспостави целосно координиран секторски пристап помеѓу сите институции, донатори и партнерски организации.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени