Соработка на операторите за железнички товарен сообраќај од поранешна Југославија
Операторите за железнички товарен сообраќај на Македонија, Словенија, Хрватска, Босна и Херцеговина, Србија и Црна Гора ќе ја унапредуваат соработката за да обезбедат поквалитетни услуги на деловните партнери со што ќе приднесат за зголемување на обемот на транспортот.
Идните активности се договарани на состанок на директорите во надлежните сектори во Македонски Железници Транспорт АД Скопје, SŽ-Tovorni promet d.o.o., HŽ Cargo d.o.o., Akcionarsko društvo za železnički prevoz robe „Srbija Kargo“ Beograd, Željeznice Republike Srpske a.d., и AD Montecargo, што се одржа во изминатите два дена во Порторож.
Потпишан е меморандум за соработка со кој е договорен заеднички ангажман за развој на нови квалитетни услуги за своите коминтенти, што позитивно ќе се одрази на економскиот развој на регионот и на пренасочување на тековите на стоката од патен преку железнички превоз.
- Ова претставува голем чекор кон подобрување на регионалната соработка помеѓу оператерите во товарниот сообраќај. На состанокот се разговараше за заедничка соработка при транспортот на стоката на подрачјето на поранешниот коридор 10, односно новопланираниот Алпско - западно балкански коридор, во државите од просторот на поранешна Југославија, како и за обезбедување на најквалитетни логистички услуги. Учесниците на состанокот се договорија дека во планираниот коридор, треба да се вклучат и краци кон Босна и Херцеговина, Црна Гора и Македонија, соопштија од МЖ Транспорт.
Како што укажуваат, превозниците во железничкиот товарен сообраќај во овие држави ги поврзуваат заеднички развојни вредности, како и сознанието дека заедничката соработка ќе доведе до постигнување подобри деловни успеси. Сакаат да ја подобрат меѓусебната соработка, да го зголемат обемот на железничкиот транспорт на стока на клучните коридори, да ја подобрат економската и социјалната кохезија. Исто така, преку заедничката соработка, целат да го подобрат квалитетот на услугите за постојните и новите клиенти, да обликуваат нови кориснички понуди и притоа да ги развиваат своите претпријатија, појаснуваат во заедничко соопштение железничките претпријатија.
Операторите ќе ги информираат владите во своите држави за преиспитување на можноста за воведување соодветни финансиски и други мерки, во склад со фондовите на ЕУ, со што железничките превозници би можеле да имаат рамноправна економска положба со превозниците во останатите видови сообраќај, како и во однос на железничките превозници во останатите европски држави.
Ново на Сител
-
Десеттина ученици се фатени како препишувале на првиот испит од државната матура – какви мерки им следуваат?
-
Со една изборна единица до поголема демократизација
-
Тема на денот со Љупчо Николовски, пратеник
-
Бимилк го одбележува светскиот ден на млекото
-
Како Асмир Јахоски доби времен пасош?
-
Мицкоски: Бугарските европратеници сакаат да додадат „сегашен“ македонски индентитет во извештајот на ЕП
-
ВМРО-ДПМНЕ ќе поддржи една изборна единица, но со право да гласа и дијаспората
-
НАТО вежба „Брз одговор“ на Криволак