Сончево и тивко време со температура до 6 степени

Времето во Македонија ќе биде сончево и тивко со умерена облачност. Претпладне во одделни котлини ќе има ниска облачност и слаба магла.

Утринската температурата ќе се движи од минус 12 до минус 5 степени, а дневната од 1 до 6 степени.

Во Скопје слично време со умерена облачност. Утринска температура ќе се спушти до минус 11 степени, а дневната ќе достигне до 3 степени.

До среда ќе се задржи претежно стабилно и суво време. Во среда кон крајот на денот и во четврток се очекуваат локални врнежи од дожд и снег. Температурата ќе има тенденција на пораст.