Солскјер станал личен тренер на Лукаку и Марсијал

Оле Гунар Солскјер влезе во улога на личен тренер на две од неговите ѕвезди. Норвешкиот менаџер на Манчестер Јунајтед одлучи да помогне индивидуално на Антони Марсијал и Ромелу Лукаку со „приватни сесии“ по тренинзите.

Ромелу Лукаку е навикнат кај Жозе Мурињо да игра со грб кон голот, додека Норвежанецот се обидува да го направи напаѓачот побрз при премин од одбрана во напад.

Сесиите траеле само 15-20 минути, но се јасен показател за индивидуалниот пристап на менаџерот.

Солскјер е обожавател на играта на Марсијал и со радост ја примил веста дека фудбалерот ќе потпише нов договор со клубот. Менаџерот сепак се надева дека крилото ќе почне да прави повеќе пробиви во казнетиот простор, за да реализира повеќе голови.