Солиден настап на ПК Бета во Зрењанин

Пливачите на македонскиот клуб Бета викендот на „Србија Гран При“ освоија еден медал, а имаа и неколку пласмани во финални трки.

 

Ангеловски Љупчо се квалификува во полуфинале и финале во дисциплината 100 метри делфин, во полуфинале во дисциплината 50 метри грбно и полуфинале и финале во дисциплината 50 метри делфин.

Марко Бејатовиќ се квалификува во финале во дисциплината 400 метри мешано и во полуфинале во дисциплината 100 мешано.

Овој натпревар е познат по тоа што програмата е идентична на Европското првенство на мали базени па поради тоа учество земаат врвни пливачи и има голема конкуренција.

 

На турнирот учествуваа вкупно 358 пливачи од 52 клуба од 11 држави.