Софија е најпопуларно име за девојчиња во светот
Едно женско име е пред сите други кога зборуваме за светската популарност, а до тој заклучок дошла Лаура Ватенберг, американски експерт за имиња.
Најпопуларно име за девојче во светот е Софија. Меѓу земјите во кои најмногу Софии се Мексико, Италија, Русија и САД.
Лаура Ватенберг, експерт за имиња која ја спровела анализата, вели дека името Софија ги надминува културите и границите.
„Интересно е што на толку различни јазици и во толку различни култури едно име звучи еднакво. Тоа сигурно зборува нешто за начинот на кој културата се пренесува денес‟, рече Лаура Ватенберг за Live Science. Софија е меѓу првите 25 имиња во две третини земји кои водат статистика за зачестеноста на давање на одредени имиња на децата, повеќето во Европа и во Америка, но пред една генерација, ова име не било популарно. Неговата моментална голема популарност Ватенберг ја објаснува со фактот дека името лесно се изговара на разни јазици и дека значи „мудрост‟.
„Потешко е да се објасни зошто не било посакувано име и во претходната генерација‟, вели експертот. За разлика од Софија која го освојува светот, имињата инспирирани од религијата како Марија и Ивана се се поретки.
„Родителите на децата даваат повеќе уникатни имиња за кои воедно сметаат дека звучат помодерно‟, вели Ватенберг и додава дека на „кралицата‟ на женските имиња наскоро може да и паѓа популарноста, токму поради тоа што има многу имиња Софија.
Ново на Сител
-
Бискупот Стојанов му го честита 25 годишниот јубилеј на Неговото блаженство г.г. Стефан
-
Мајка и ќерка пронајдени мртви во нивниот дом во Слатино, таткото и синот пренесени во болница
-
Ужас во Скопје: Роднина соблекувал малолетно девојче, па се самозадоволувал пред неа
-
Домашен миленик настрада од улични кучиња
-
Објавен извештајот за починатото 14-месечно бебе, еве ги деталите
-
Следува продолжен викенд: 11-ти Октомври неработен ден за сите граѓани на Македонија
-
Во изминатите четири дена во Грција биле откриени и спасени над 580 бегалци и мигранти
-
Доброволното противпожарно друштво – Кочани доби опрема како донација од Италија