Со пукање во воздух полицаец спречил групна тепачка во Кичево
Кичевчани на првиот ден од неделава во центарот на градот меѓусебно физички се пресметувале, а по реакција на полициски службеник со предупредувачки истрел од пиштол во воздух тие престанали и биле приведени.
Како што информира пртпаролот на охридската полиција Стефан Димоски, во полициската станица во Кичево, приведени се А.И.(22),Ф.Ч.(23),Ф.К.(18),А.К.(22), сите од Кичево. Тие на 8 јуни во 21:40 часот, на крстосницата на булеварот „Ослободување“ со улицата „Рудничка“ во Кичево, го нарушиле јавниот ред и мир со меѓусебна физичка пресметка.
-Со цел да го спречи натамошниот тек на нарушувањето, реагирал полициски службеник-припадник на криминалистичката полиција кој, во моментот не бил на должност, тој ја покажал службената легитимација и издал усна наредба кон учесниците да престанат со тепачката. Во моментот, еден од нив, извадил остар предмет со намера да го употреби, по што, полицискиот службеник, од службениот пиштол, во воздух испукал еден предупредувачки истрел. Веднаш потоа, престанала тепачката, а учесниците се лишени од слобода, објасни Димоски.
Против нив, ОВР Кичево ќе поднесе соодветна пријава.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација