Со пречек на коњаницата и општонародна вселба заврши 7. „Крушево етноград“

Во Крушево  пристигна коњаницата од цела Македонија. Со аплаузи беа наградени членовите на „Илинденскиот марш“ за нивното повеќедневно патување до Крушево  за да им оддадат чест на илинденците.

Во име на крушевчани, пред Столбот на Крушевската Република, коњаницата беше поздравена и пречекана од градоначалникот на  Крушево Ѓорчи Дамчески, соопштија организаторите на „Крушево етноград“. 

По пречекот на коњаницата во Крушево синоќа на Градскиот плоштад 50-ина гости од светот заиграа и запеаа македонски ора и песни. Вечерта заврши со општонародна веселба и големо заедничко македонско оро на плоштадот, со што свечено беше означен крајот на седмата манифестација „Крушево етноград“.