Со електричен тротинет удрил во јаже со кое се шлепале две возила

Стружанец со електричен тротинет удрил во јаже со кое се шлепале две возила, со тешки телесни повреди пренесен во охридската болница.

- На 03.04.2024 околу 12.00 часот во ОВР Струга е пријавено дека на улица „Боро Хаџиески“ во Струга, електричен тротинет, управуван од Н.Д.(45) од Струга, удрил во јажето со кое патничко возило „фиат“ со струшки регистарски ознаки, управувано од И.И.(44), влечело патничко возило „фолксваген голф“ со струшки регистарски ознаки, управувано од М.К.(47), двајцата од струшкото село Велешта, соопшти МВР.

Притоа, со тешки телесни повреди се здобил Н.Д., констатирани во болницата „Св.Еразмо“ во Охрид. Увид на местото ивршила екипа на ОВР Струга.