-->
-->
Со 22 милиони денари ќе се градат канализациски системи во Кривопаланечко
-->
Со 20 милиони денари од Агенцијата за финансиска поддршка на земјоделството и руралниот развој годинава ќе се градат три поголеми канализациски системи во Крива Паланка, додека со 2 милиони денари општината и Јавното претпријатие „Комуналец“ ќе градат канализациски мрежи во повеќе градски и приградски населби.
Градоначалникто на Крива Паланка, Арсенчо Алексовски, информира дека добиени се решенијата од АФПЗРР за реализација на трите крупни проекти во вредност од безмалку 20 милиони денари.
Станува збор за изградба на канализацска мрежа „Дурачка Река“, прва фаза од т.н. Маневски мост, изградба на преостанат дел од главната канализациска мрежа во село Мождивњак и изградба на канализација во село Длабочица кај магистралниот пат.
Со Програмата за изградба, реконструкција и одржување на локалната канализациската мрежа во Крива Паланка предвидена е изградба на канализација на дел од Мезовски ливади и Крстата падина, во делови од село Конопница и село Жидилово кои ќе се финансираат со средства од буџетот на општината и ЈП „Комуналец“.
Годинава ќе се врши доизградба и санација на постојни канализациски системи кои ќе бидат превземени од општината и ЈП „Комуналец“,за што се издвоени 2 милиони денари, додека 1,5 милиони денари ќе бидат инвестирани за изготвување техничка документација за доизградба на главен колектор и спојување на десен со лев колектор до локалитет на пречистителна станица за фекални води, за фекална пречистителна станица за град Крива Паланка, како и документација за проектите за канализација во населба Грамаѓе, дел од село Конопница, за село Градец-Мезовски ливади и канализација со пречистителна станица за село Жидилово.
Од локалната самоуправа на општина Крива Паланка преку проектот на Владата на РМ и ЕБОР „Водоснабдување и одведување отпадни води“ лани беше реализиран значаен проект во Крива Паланка со кој беше изградена фекална канализација „Бојанов Дол“, градежниот дел од проектот е веќе завршен и се очекува истата наскоро да биде пуштена во употреба.
-->
-->
-->
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата