Снежна бура во САД: Забележан и редок феномен на снег со грмотевици
Силна пролетна снежна бура ги зафати централните држави на САД, а локалните медиуми потсетуваат дека ова е втор циклон кој поминува низ областа за само еден месец.
Стотици летови се одложени, а некои патишта се непроодни или затворени поради сообраќајни незгоди, но и поради намалена видливост.
Според некои метеоролози, бурата може да се нарече “историска”, затоа што се очекува да донесе невообичаено големо количество снег во средината на април, па дури и да урне некои рекорди.
Брзината на ветровите веќе достигнува повеќе од 80 километри на час. Предупредувања за опасно време се издадени за најмалку шест држави од Колорадо до Минесота.
Државните институции во Јужна Дакота се затворени, училиштата исто така не работат. Многу домаќинства немаат електрична енергија. Во државата е забележан и редок феномен на снег со грмотевици.
Во Минесота, Националната гарда е во состојба на зголемена готовност за да помогне доколку ситуацијата се влоши и има луѓе во неволја.
Ново на Сител
-
Состојба на патишта
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени