Смена на директорската позиција на Инфективна - Фадил Цана на местото на Милена Стевановиќ

Инфективната клиника има нов директор, на местото на досегашната директорка д-р Милена Стевановиќ за нов директор е назначен д-р Фадил Цана, инфектолог на клиниката. Информација за Сител ја потврдија од Министерството за здравство.

Инаку Милена Стефановиќ седум години беше прв човек на Инфективната клиника, таа раководеше со клиниката и за време на најголемата пандемија со Ковид-19.

Доктор Фадил Цана е кадар од Алијанса за Албанците, неговото име се споменуваше и за министеркото место. Тој ја извршуваше функцијата претседател на УО на Фондот за здравство.

Засега нема официјални информации зошто е сменета Стефановиќ од директорското место на Инфективната клиника. Инаку Стевановиќ е кадар од редовите на СДСМ.