Случај кој со децении ја мачеше целата земја: Деца мистериозно исчезнаа пред 50 години, а сега нова трага ќе ја открие вистината
Книгата „Човек во сатен“, објавена 2013 година, покрена истрага за случај стар повеќе од половина век за исчезнати деца во Австралија.
Џејн (9), Арна (7) и Грант (4) Бомон исчезнаа во 1966 година без трага. Децата сами заминале од куќата со автобус на блиската плажа Глененг.
Потрагата по нив и полициската истрага за нивното исчезнување беше една од најголемите во Австралија. Полицијата сега има нова трага и верува дека го пронашла местото во источна Аделаида на кое можеби се закопани децата.
Новите сведоци ја наведоа полицијата да го истражи теренот околу фабриката во Плимонт, потврди портпаролот на австриската полиција.
Дел од тој терен веќе е прегледан во 2013 година, а новите истражувања на тлото со најнова опрема открија дека во задниот дел од земјиштето кое тогаш полицијата не го прегледала, земјата е натрупана во ширина од еден метар и длабочина од два метри.
Во книгата како можен виновник се наведува починатиот бизнисмен од Аделаида Хари Фипс. Иако неговиот идентитет во книгата не е откриен, авторите дале доволно детали со чија помош може да се навести за што се работи. Потоа е објавена неговата фотографија на телевизија, па двајца мажи се јавија во полиција со нови информации.
Тие рекоа дека морале да ископаат дупка на имотот, но за време на полициската истрага не биле присутни.
Иако Фипс до сега не беше осомничен, полицијата знаела дека е опасен педофил и предатор.
И неговиот син Хајден на авторите на книгата им рекол дека ги видел децата во дворот дента кога исчезнале.
Полицијата се уште не почнала да копа на новата локација, но велат дека работите се очекуваат во наредните неколку недели.
Ново на Сител
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето